VOV4.Xơ Đăng - Hâi lơ 25/9, pôa Phạm Minh Chính, Ngế pro xiâm hnê ngăn Chin phuh hiăng pêi cheăng ƀă Khu pơkuâ Đảng ƀô̆ kong pơlê Yên Bái. Ngế pro xiâm hnê ngăn tơnêi têa kheăn kơdeăn mâu tơdroăng châ tơƀrê Đảng ƀô̆, khu râ kăn pơkuâ ƀă kuăn pơlê kong pơlê Yên Bái hiăng châ tơƀrê tung pơla kố nah.

Ngế pro xiâm hnê ngăn tơnêi têa tối rơdêi, cho kơpong tơnêi pêng păm tơdroăng mơnhông mơdêk, khôi túa lĕm tro ƀă kăch măng, ƀă hên tơmeăm ki ai, ki tơ’lêi hlâu ƀă roh tơ’lêi, Yên Bái ai tŭm mâu tơmeăm ki mê vâ mơnhông mơdêk rĕng ƀă krá tơniăn; chiâng kong pơlê ki tơƀrê a hơnăm 2025.

Ngế pro xiâm hnê ngăn tơnêi têa tối Yên Bái ai tŭm tơmeăm vâ chiâng kong pơlê ki hôm a hơnăm 2025

Ngế pro xiâm hnê ngăn tơnêi têa pơchân thế tơtrŏng mơnhông mơdêk tơtro cheăng kâ, mơhno khôi túa lĕm tro – rêh ối pơlê pơla ƀă rak vế kong prâi loăng pơlái kong kế ƀă tơniăn cheăng lêng, gâk kring; mơnhông mơdêk cheăng kâ laga thế tơniăn tơdâng pơlê pơla, rak vế kong prâi. Tung mơdêk thế đi đo pêi pro tro tiô tơdroăng nôkố; thăm xing xoăng râ, hnoăng, mơhno hnoăng cheăng ngế ối a ko ƀă tơdroăng séa ngăn.

A Sa Ly tơplôu ƀă tơbleăng