VOV4.Xơ Đăng - Kơxo lơ 15/9, Ngế pro xiâm hnê ngăn Chin phuh pơkuâ hneăng hôp tơpui mơdêk ‘mâi hơ’lêh tuá cheăng pro hlá mơ-éa ƀă pêi cheăng tiô túa nếo tung hnê mơhno, pơkuâ ngăn kuăn pơlê, khu mơdró. Hneăng hôp châ tơdjêp mơ’no tiô troăng hyôh troh 63 to kong pơlê pơlê kong kân tung lâp tơnêi têa. Tơbleăng a hneăng hôp, pôa Phạm Minh Chính tối nhên, ‘mâi hơ’lêh tơdroăng cheăng đi đo châ Đảng, Tơnêi têa tối cho tơdroăng pêi ki kal vâ mơjiâng, pêi klêi tơnêi têa tro tiô luât xah hô̆i chuh ngiah krúa lĕm, krá rơdêi, pêi xêt khât, tơƀrê, xua kuăn pơlê, xua tơdroăng mơnhông mơdêk dêi tơnêi têa.

Pôa Phạm Minh Chính, Ngế pro xiâm hnê ngăn tơnêi têa pơkuâ hneăng hôp tơpui mơdêk ‘mâi hơ’lêh túa cheăng pro hlá mơ-éa

Ngế pro xiâm hnê ngăn tơnêi têa tối nhên, kơnôm mơ-eăm dêi khu cheăng kal kí ƀă tâi tâng kuăn pơlê, pin kô pêi mâu tơdroăng kal tung ‘mâi hơ’lêh cheăng kâ, malối cho túa pro hlá mơ-éa; tơbâ ƀă mơhnhôk tăng xiâm vâ mơnhông  tơnêi têa; mơdêk ki tơ-brê tung hnê mơhno pơkuâ dêi mâu kăn rêm ra. Laga, pakĭng mâu tơdroăng hiăng châ pêi pro, xuân ối ai mâu tơdroăng ki u ối, tơvâ tơvân rĕng châ tơkâ luâ xơpá, mơhnhôk ƀă xúa pêi tơ-brê tŭm tơdroăng ăm ‘mâi mơnhông tơnêi têa tung pơla nôkố.

Gương tơplôu ƀă tơbleăng