VOV4.Xơ Đăng - Hâi lơ 18/8, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn Chin phuh hiăng tơdah pôa Mukhtar Tileuberdi, Ngế pro xiâm phŏ, kăn xiâm tơpui kâ kong têa Kazakhstan drêng rôh lăm pôu păng ‘nâng Việt Nam sap ing hâi lơ 17 – 18/8. Pôa Phạm Minh Chính tối nhên Việt Nam đi đo ngăn nhuô̆m tơrŭm cheăng khôi hmâ ƀă tơrŭm tung hên kơvâ cheăng ƀă Kazakhstan.

Pôa Phạm Minh Chính, Ngế pro xiâm hnê ngăn Chin phuh tơdah Ngế pro xiâm phŏ, ngế xiâm tơpui kâ Kazakhstan

Vâ mơdêk rơdêi tâ nếo tơrŭm cheăng pơla péa tơnêi têa tung la ngiâ, pôa Phạm Minh Chính pơkâ thế péa pâ mơdêk hnoăng cheăng dêi Vi ƀan tơrŭm cheăng Chin phuh Việt Nam – Kazakhstan ‘na tơrŭm cheăng kâ – tê mơdró ƀă khoa hok – kih thuât, tơpui tơno kĭ tơkêa tê kơtê theh visa ăm kuăn pơlê péa tơnêi têa xuân môi tiah kơhnâ tơrŭm cheăng rĕng mơjiâng pro troăng rơxế lơ treng ƀă troăng tơƀai kơneăng tơdrăng pơla Việt Nam ƀă Kazakhstan. Péa pâ xuân hiăng tơpui tơno ‘na mâu tơdroăng kong têa ê ƀă tung kơpong ki péa pâ rơtế vâ ‘nâi plĕng, tung mê ai tơdroăng Biển Đông.

Katarina Nga tơplôu ƀă tơbleăng