Tối tôu tuăn khât ‘na tơdjâk dêi rôh tơxul tơxal ƀă tơdroăng ki châ xúa tŭm têa châu têa kơxăng, péa ngế kăn xiâm pơkuâ hiăng môi tuăn thăm mơnhông tơrŭm cheăng tung rak vế gâk kring tơniăn on tơhrik. Ngăn tung tơdroăng loi nhuô̆m tơrŭm cheăng ƀă Việt Nam, Kăn xiâm pơkuâ UAE ăm ‘nâi kô tŏng gum khât tơdroăng ki rơhêng vâ xúa têa châu têa kơxăng ki hdrối tâ ƀă ki ton xŏn dêi Việt Nam.

Tung rôh tơpui phôn, péa ngế kăn xiâm pơkuâ hiăng tơpui trâu hngế hên troăng hơlâ pêi pro ki nhên cho vâ thăm mơdêk tơrŭm cheăng pơla péa pâ, malối cho tung mâu kơvâ cheăng ki tơtro ƀă kal vâ ‘nâi plĕng ƀă ki rơdêi ki péa pâ môi tiah ‘no liăn cheăng a Tíu pêi cheăng xiâm liăn ngân lâp plâi tơnêi a Việt Nam, mơ-eăm mơdêk pro mâu tơdroăng tơkêa ‘no liăn pro mâu tơdroăng ki kal tung kong ngê̆ rơxông nếo, hngêi trăng troăng prôk, logistics, rĕng pêi pro mâu pơkâ tê mơdró pơla péa pâ 10 rơtal USD tung pơla rĕng má môi.