A roh trâm mâ, pôa Phạm Minh Chính, Ngế pro xiâm hnê ngăn tơnêi têa mơnhên tơrŭm cheăng ƀă kong têa Sinuâ cho troăng hơlâ môi tuăn sap apoăng troh tá tui lui, pơkâ ôh tá tơdjâk pakong, rah troăng pêi cheăng ton xŏn ƀă kơjo má môi tung troăng hơlâ tơpui kâ ƀă kong têa ê dêi Việt Nam.

‘Na troăng tơrŭm cheăng tung la ngiâ, pôa Phạm Minh Chính, Ngế pro xiâm hnê ngăn tơnêi têa pơkâ thế péa pâ pơtối pêi pro châ tơƀrê hlê plĕng tơdjuôm pơla Khu râ kăn xiâm pơkuâ kân má môi péa Đảng, péa tơnêi têa, rak trâm mâ khu râ kăn xiâm ƀă mâu râ vâ tơpui ‘na tơrŭm cheăng pơla péa pâ ƀă mâu tơdroăng rơtế vâ ‘nâi plĕng.

Ƀă mâu pơkâ ‘na tơrŭm cheăng dêi Việt Nam, pôa Lý Cường, Ngế pro xiâm hnê ngăn kong têa Sinuâ mơnhên tối, Đảng, Chin phuh Sinuâ đi đo ngăn tơrŭm cheăng ƀă Việt Nam cho troăng kơjo tung troăng hơlâ tơpui kâ ƀă kong têa ê ki achê; tối nhên, Sinuâ hbrâ rơtế ƀă Việt Nam rak tơpui tơno troăng pêi cheăng ton xŏn, pêi pro trâu hơngế tâ nếo tơrŭm cheăng păng ‘nâng, djâ tơrŭm cheăng ton xŏn tâi tâng, Pơlê pơla kum dêi pó tung hnoăng la ngiâ Sinuâ – Việt ai kơnâ ton xŏn đi đo prôk trâu hơngế, păng ‘nâng.