VOV4.Xơ Đăng - Tơbleăng a hneăng hôp tơpui cheăng kâ, hơnăm 2022 ƀă pơxá “Pơ’lêh kơxô̆ - Tơdroăng mơnhông tơrŭm cheăng, tơrŭm tung tơdroăng cheăng nếo rơtế ƀă tơdroăng pêi pro tiô pơkâ kơxô̆ 20- NQ/TW’’ po a kơxo lơ 23/9, pôa Phạm Minh Chính, Ngế pro xiâm hnê ngăn Chin phuh tối nhên, pơ’lêh kơxô̆ cho tơdroăng thế pêi dêi tơdroăng mơnhông cheăng kâ tơrŭm cheăng  ôh tá chiâng ôh tá pêi, ôh tá chiâng tâng pá kong; xua mê, pin thế pơ’lêh nếo tơdroăng tơmiât, pơxiâm ing tơdroăng hlê plĕng, mâ ngăn chhâk hơngế, thế mơdêk rĕng xúa rơdêi khoa hok kŏng ngê̆ thŏng tin, mơdêk  hriăn plĕng ki nếo, tăng xiâm, pro ki xiâm rơdêi pêi cheăng teăm tơdrêng, rơtế  mơnhông tơdrêng ƀă mâu kơpong cheăng kâ ki ê. Hneăng hôp po tơdrêng tiô troăng hyôh Internet.

Tâ tá hneăng hôp

A hneăng hôp, mâu kăn hiăng tơpui tơno, tối mâu tơdroăng ki hiăng châ pêi pro tung tơdroăng pơ’lêh kơxô̆ dêi tơnêi têa tối tơdjuôm, ƀă pơ’lêh kơxô̆ tung kơpong cheăng kâ pú hên, tơrŭm cheăng tối krê; pakĭng mê, tối tơdrăng  tơdroăng ki hlo khât hâi pêi pro ki tơvâ tơvân, ki ối xơpá, pơloăng mơnúa ƀă mâu tơdroăng pơkâ nôkố vâ ai mâu troăng rơhlâ tơtro vâ mơnhông mơdêk pơ’lêh kơxô̆ tung la ngiâ, pro xiâm mơnhông cheăng kâ pú hên, pêi cheăng tơrŭm mơdêk rĕng ƀă krá tơniăn, rơtế ƀă tơdroăng pơ’lêh Pơkâ kơxô̆ 20 dêi Khu xiâm Đảng tơnêi têa.

Gương tơplôu ƀă tơbleăng