VOV4.Xơ Đăng - Kơxê lơ 13/10, pôa Phạm Minh Chính, Ngế pro xiâm hnê ngăn Chin phuh veăng leh mơhno ƀâng Um tơvi Tơnêi têa kơpong peăng mâ hâi lo pá droh tơnêi têa – VTV Cần Thơ. Tơdroăng mơjiâng ƀâng um tơvi tơnêi têa VTV Cần Thơ tơmiât troh kơpong peăng mâ hâi lo pá Hdroh tơnêi têa ƀă xiâm kối vâ thăm tơbleăng tơdroăng, pơtâng tối, pêi pro hnoăng cheăng kal kí dêi Rơ’jíu.

Pôa Phạm Minh Chính, Ngế pro xiâm hnê ngăn Chin phuh mơhno ƀâng um tơvi tơnêi têa VTV Cần Thơ

Um tơvi Việt Nam a kơpong kố; mơjiâng kông tơdjêp châ tơƀrê pơla Chin phuh pơla Chin phuh ƀă mâu râ kăn pơkuâ pơlê kong kân ƀă kuăn pơlê a kơpong vâ troh lâp lu, tơbleăng tơdroăng kal vâ, mơjiâng tơdroăng vâ veăng kum mơjiâng pơlê pơla lĕm tâ. Xông tơpui a roh leh Ngế pro xiâm hnê ngăn tơnêi têa loi tơngah, ƀă troăng tơmiât pêi ƀeăn ƀĕng, tơdroăng ki khŏm mơ-eăm, rơkê ƀă tơdroăng veăng pêi kơtăng dêi khu pú hên kăn ƀô̆, viên chưk ƀă mơngế pêi cheăng Rơ’jíu Um tơvi Việt Nam, tơdroăng veăng tŏng kum dêi mâu râ, mâu kơvâ cheăng, mâu kong pơlê ƀă kuăn pơlê, ƀâng um tơvi VTV Cần Thơ kô ai tơdroăng mơnhông mơdêk rĕng ƀă krá tơniăn; hyôh um troh lâp lu, trâu hơngế a kơpong tơbăng kroăng Cửu  Long ƀă tung lâp tơnêi têa, pơtối kêi đeăng hnoăng cheăng kal kí châ Đảng, Tơnêi têa, kuăn pơlê pơcháu.

VOV/Tơplôu: A Sa Ly