Tơbleăng a rôh hôp, pôa Phạm Minh Chính tối nhên, tung 9 khế hdrối kố nah, tơdroăng ‘mâi hơ’lêh luât pêi cheăng hiăng châ tơbleăng pêi tơdrêng ƀă châ pêi tơƀrê tung tŭm hnoăng cheăng dêi tâi tâng tơdroăng ‘mâi hơ’lêh cheăng dêi tơnêi têa, veăng ‘no hnoăng ki kal a tơdroăng mơnhông mơdêk cheăng kâ rêh ối dêi tơnêi têa. Laga, pakĭng mâu tơdroăng châ pêi tơƀrê, xuân ối ai mâu tơdroăng pá, tơvâ tơvân.

Pôa Phạm Minh Chính, Ngế pro xiâm hnê ngăn tơnêi têa tơbleăng a hneăng hôp

Ngế pro xiâm hnê ngăn tơnêi têa pơkâ thế mâu ngế tung khu Hnê mơhno kal ‘nâi nhên hnoăng cheăng pêi dêi tơná ƀă ‘mâi hơ’lêh hnoăng cheăng dêi tơnêi têa, dêi khu xiâm, kơvâ cheăng dêi tơná; ing mê, thế hbrâ rơnáu tơrŭm krá ƀă mâu khu xiâm, kơvâ cheăng ƀă Vi ƀan hnê ngăn mâu kong pơlê, pơlê kong kân râ xiâm tơnêi têa tung tơbleăng pêi mâu pơkâ châ xoăng pêi, mơdêk ‘mâi hơ’lêh tơdroăng cheăng tung mâu khế mơ’nui hơnăm 2022, ƀă túa pêi cheăng ki nếo, pêi tơƀrê tiô troăng rơhlâ pêi pro dêi Chin phuh “Tơrŭm môi tuăn pêi tro tiô luât, hbrâ rơnáu hmâ, tơniăn tơƀrê, ‘mâi mơnhông hlối mơdêk’’.