VOV4.Xơ Đăng - Kơxo lơ 26/9, pôa Phạm Minh Chính, Ngế pro xiâm hnê ngăn Chin phuh pơkuâ hneăng hôp mơ’no tơdrêng tung um tiô troăng hyôh măng lâp tơnêi têa ‘na thăm mơ’no liăn cheăng tơnêi têa ƀă pêi pro 3 Tơdroăng pơkâ xiâm tơnêi têa (mê cho: Mơjiâng thôn pơlê nếo, Mơnhông mơdêk cheăng kâ – rêh ối pơlê pơla kơpong vâi krâ hdroâng kuăn ngo ƀă kong ngo, xăm kơklêa kơdroh kơtiê krá tơniăn).

Ngế pro xiâm hnê ngăn tơnêi têa pơkâ, mâu kăn teăng mâ tơpui tơno pơkâ troăng pêi la ngiâ, troăng pêi ƀă hnoăng cheăng inhên sap ing kố troh tâi hơnăm 2022 rak tơniăn tơkŭm po pêi pro châ tơƀrê, ƀeăn ƀĕng rơkê tơtro ƀă tơdroăng nôkố va tah lôi teăm tơdrêng mâu tơdroăng pá puât, tơvâ tơvân tung mơ’no liăn cheăng tơnêi têa ƀă pêi pro 3 tơdroăng pơkâ xiâm tơnêi têa.

Ngế pro xiâm hnê ngăn Chin phuh pơkuâ hneăng hôp

Mâu kăn teăng mâ kal hnê tối ăm dêi pó troăng pêi, tơdroăng pêi rơkê, tơmiât pêi rơkê, troăng pêi tung tơdroăng tơkŭm pêi pro, pơkuâ hnê mơhno, mơnhên mơgêi pơtân xo vế túa ki rơkê tơtro. Tơdrêng amê mơdêk hnoăng cheăng mơngế ối a ko vâ thăm mơ’no liăn cheăng tơnêi têa ƀă 3 Tơdroăng pơkâ xiâm tơnêi têa.

VOV.VN

A Sa Ly tơplôu ƀă tơbleăng