Kơxo lơ 6/12, pôa Phạm Minh Chính, Ngế pro xiâm hnê ngăn tơnêi têa pơkuâ  hôp mâu kăn cheăng tung Chin phuh ‘na tơdroăng pơkuâ ngăn luât pơkâ ‘na liăn ngân, cheăng kâ kân a mơ’nui hơnăm 2022 ƀă apoăng hơnăm 2023. Tối tơbleăng a rôh hôp, pôa Phạm Minh Chính, Ngế pro xiâm hnê ngăn tơnêi têa pơkâ thế mơ-eăm pêi pro tiô mâu pơkâ, tơdroăng pơkâ hơnăm 2022 a kơlo ki kân má môi. Bú kơ’nâi vâ chê 1 khế cho hiăng tâi hơnăm 2022, pin kal “rĕng pêi klêi’’ rak tơniăn, pêi tơƀrê, ai tiô pơkâ la thế riân ngăn nhên krá tơniăn ton ta ah.  

Pôa Phạm Minh Chính tối nhên mot tung hơnăm 2023, ôh tá tơxâng ƀă mâu tơdroăng ki hiăng châ pêi pro, ôh tá pêi hên ah lơ ôh tá tơƀrê, hiăng mơ-eăm  kô thế mơ-eăm tâ nếo, pêi cheăng thế ai tuăn vâ ki kal; pôi tá tơngôu, thế đi đo hbrâ rơnáu, thế ‘nâi nhên mâu tơdroăng, tăng ‘nâi plĕng mâu tơdroăng tung tơnêi têa ƀă lâp plâi tơnêi vâ ‘nâi mơngế tiâ tiah lâi todroăng pơkâ rĕng teăm tơdrêng.