.VOV4.Xơ Đăng - Pôa Phạm Minh Chính Ngế pro xiâm hnê ngăn tơnêi têa hiăng tơdah pôa Phayvy Siboualypha, Ngế xiâm pơkuâ ‘na luât dêi kong têa Lếo pơkuâ djâ khu kăn ngăn ‘na Luât dêi Lếo lăm pôu, pêi cheăng a Việt Nam. Ngế pro xiâm hnê ngăn chin phuh khĕn kơdeăn khât tơdroăng hiăng klêi Hôp tơpui tơno pơla péa Khu xiâm ngăn ‘na luât Việt Nam ƀă Lếo; loi khât kơ Ngế xiâm pơkuâ ngăn ‘na luât péa tơnêi têa kô tơkŭm po klêi tơniăn leh tơbâ 40 hơnăm tơrŭm cheăng ‘na luât ƀă hneăng Hôp tơpui ‘na luât dêi mâu kong pơlê ki ai tơchoâm troăng tơkăng kong pơla Việt Nam - Lếo po rơdâ rôh má 5, veăng ‘no hnoăng pê klêi hơnăm Tơrŭm tơ-rôa pơla Việt Nam - Lếo. Lếo ƀă Việt Nam - 2022.

Tung la ngiâ, Ngế pro xiâm hnê ngăn tơnêi têa pơkâ thế péa tơnêi têa tơrŭm môi tuăn dêi rơpó tâ nếo vâ tơkâ luâ tơdroăng xơpá pơloăng mơnúa, kơhnâ tơrŭm krá, mơdêk tơrŭm cheăng ki kân’’; Ngế pro xiâm hnê ngăn tơnêi têa tối vâ môi tuăn tơrŭm cheăng pơla péa Khu xiâm ngăn ‘na luât, Việt Nam vâ pơtối kum Lếo tung tơdroăng ‘na luât ƀă hnê tối túa pêi cheăng pê klêi luât pơkâ  mơjiâng Tơnêi têa tro tiô luât xah hô̆i chuh ngiah; pâ thế péa Ngế xiâm tí tăng ‘nâi plĕng tơbleăng nhên, tơtro, tơ-brê tâ nếo.

Gương tơplôu ƀă tơbleăng