Kơxê hâi lơ 30/6, a tíu pêi cheăng Chin phuh, pôa Phạm Minh Chính, Ngế pro xiâm hnê ngăn Chin phuh hôp tơnpui tơno ƀă  jâ Martin Candinas, Kăn xiâm hnê ngăn Hô̆i đong kong têa (cho Kuô̆k hô̆i râ má péa) Swiss . A rôh trâm mâ, Ngế pro xiâm hnê ngăn tơnêi têa loi khât tối, hneăng lăm pôu dêi Kăn xiâm hnê ngăn Kuô̆k hô̆i râ má péa cho vâ hdró tơdroăng ki kal, veăng po môi troăng nếo tung tơrŭm cheăng pơla Việt Nam - Swiss; ƀă klêi lăm pôu rôh kố, Kăn xiâm hnê ngăn Kuô̆k hô̆i râ má péa kô ‘nâi hlê ‘na túa lĕm tro ƀă kuăn mơngế Việt Nam, ai hiâm tuăn lĕm, hmâ, pâ hlế kơ tơmối.

Vâ mơdêk hlê plĕng dêi rơpó ƀă loi nhoăm dêi rơpó ‘na tơdroăng kal kí, pro xiâm vâ mơdêk tơrŭm cheăng tung hên tơdroăng cheăng pơla péa tơnêi têa, Ngế pro xiâm hnê ngăn tơnêi têa pơkâ thế péa pâ kal pơtối mơdêk mâu tơdroăng  tơpui tơno tơrá mâu kăn ƀă trâm tơpui tơno ƀă kuăn pơlê; tơrŭm krá a mâu hneăng hôp tơpui hên tơdroăng, veăng  ‘no hnoăng pro hơniâp lĕm, tơniăn a kơpong ƀă tung lâp plâi tơnêi.