Tung tơdroăng phiu niu, rơkong tó kơdrâm kơdrĕng a mâu toăng hngêi nếo ối xú têa xơng, tơdroăng tơdah Ngế pro xiâm hnê ngăn tơnêi têa hơtô, tâi hiâm mơno. Lăm kơ-êng, tơpui tơno ƀă kuăn pơlê kơpong xĕn ối thôn Quảng Đức, pôa Phạm Minh Chính, Ngế pro xiâm hnê ngăn tơnêi têa kheăn kơdeăn tơdroăng ki hbrâ, kơtăng dêi khu râ kăn pơkuâ hnê ngăn Đảng, khu râ kăn pơkuâ kong pơlê Dak Lak tung rơnêu kế tơmeăm khoăng xua kong prâi pro, pêi pro mơjiâng kơpong xĕn ối tơniăn tơdroăng mơjiâng pro ƀă ki dâi lĕm.

Tơdrêng amê mơnhên, tơdroăng pêi kêi đeăng kơpong xĕn ối ôh tá xê to gum tơdroăng kal vâ hngêi ối a ngiâ mê ối kơnâ ton xŏn, mơjiâng tơdroăng ki xiâm vâ kuăn pơlê hmiân tuăn pêi cheăng pêt mơjiâng tơmeăm, tơniăn tăng cheăng pêi ƀă mơnhông cheăng kâ krá tơniăn.