Ngế pro xiâm hnê ngăn tơnêi kheăn kơdeăn tơdroăng mơ-eăm, tơdroăng ki ai mâ dêi VinGroup, Vinfast a UAE kum mơdêk tơrŭm cheăng pơla péa tơnêi têa ƀă pơhlêh krúa lĕm kong prâi a kơpong Trung Đông, pói vâ kuăn pơlê mâu kong têa Trung Đông kô loi tơngah hâk vâ ƀă xúa khu rơxế ô tô kơtâu ƀă on tơhrik dêi Vinfast.

Ngế pro xiâm hnê ngăn tơnêi têa pói vâ VinGroup, ƀă tơdroăng môi tuăn dêi Chin phuh ƀă kuăn pơlê UAE, kô veăng ƀă khu tơrŭm UAE veăng mơjiâng troăng klông, tơmeăm khoăng ki vâ cheăng ton xŏn, mơdêk pơhlêh xúa kŏng ngê̆ ƀă mơnhông mâu kơvâ nếo ô eăng a Việt Nam. Ngế pro xiâm hnê ngăn tơnêi têa pơkâ thế peăng UAE môi tuăn Vinfast tối krê ƀă Việt Nam tối tơdjuôm, rơtế Việt Nam tơkŭm po pêi pro lĕm Pơkâ CEPA ing mâu tơdroăng tơkêa bro, tơmeăm ki nhên, djâ châ tơƀrê inhên; pói vâ kuăn pơlê UAE hâk vâ Việt Nam ƀă tơmeăm khoăng Việt Nam.