Pôa Phạm Minh Chính, Ngế pro xiâm hnê ngăn tơnêi têa lăm pôu kong têa Rusi
Thứ hai, 10:00, 23/03/2026
Tơplôu: Gương/VOV
Tơplôu: Gương/VOV
VOV.Xơ Đăng - Tiô rơkong krếo thế dêi pôa Mikhaiil Mishutin, Ngế pro xiâm hnê ngăn Chin phuh kong têa Rusi, kơxê hâi lơ 22/3, pôa Phạm Minh Chính Ngế pro xiâm hnê ngăn tơnêi têa ƀă mâu kăn xiâm Việt Nam hiăng troh a tơraih tơƀai lâp plâi tơnêi Vnukovo 2, pơlê kong xiâm Moskwa, pơxiâm lăm pôu kong têa Rusi sap hâi lơ 22-25/3.
Hneăng lăm pôu kong têa Rusi rôh kố dêi pôa Phạm Minh Chính ai pơxúa kal khât vâ mơdêk ‘mâi mơnhông tơrŭm péa tơnêi têa, hlối pơtối rak ki lĕm tro tâ nếo rôh tơrŭm lâp plâi tơnêi vâ veăng mơnhông Việt Nam tung la ngiâ.
Ki kal dêi hneăng lăm pôu cho mơdêk tơrŭm pơla Việt Nam - Rusi, malối ‘na tơrŭm kal kí, po rơdâ tơrŭm cheăng pơla Việt Nam ƀă Rusi tung mâu kơvâ cheăng kâ, tê mơdró, malối cho ‘no liăn pêi cheăng ‘na hrik têa châu ƀă hên ki ê. Po tung pơla lâp lâi tơnêi dế ôh tá tơniăn ‘na têa châu, hneăng lăm pôu dêi pôa Phạm Minh Chính kô po hên troăng tơrŭm cheăng pơla péa tơnêi têa. Péa pâ tối kô kĭ tơhrâ tơrŭm cheăng ki kal. Ing mê, kong têa Rusi cho kong têa tơrŭm tơniăn ‘na têa châu ăm Việt Nam.
Viết bình luận