Ƀă hiâm tuăn vâ nhoăm hlối mơnê pá kâi tối, pôa Phạm Minh Chính -  Ngế pro xiâm hnê ngăn tơnêi têa ƀă mâu kăn hiăng pleăng reăng ƀă koh hmât hmái ilĭng  tơbâ troh hnoăng kân dêi Pôa Hồ Chí Minh - Kăn xiâm hnê ngăn tơnêi têa ki apoăng ƀă tơdroăng pêi cheăng kăch măng eăng bâ dêi Đảng ƀă hdroâng mơngế.

Pôa Phạm Minh Chính - Ngế pro xiâm hnê ngăn tơnêi têa hiăng chêh a hlá mơ-éa chôu ‘măn a Tíu tơbâ mê tối: “Kố cho tíu tơbâ ton nah ki kơnía git, mơhno ăm tơdroăng hmâ pêi pro ki lĕm tro ing nah tơrŭm môi tuăn, hmâ khât ƀă dêi rơpó dêi kăch măng péa Đảng, péa tơnêi têa Việt Nam - Sinuâ. Chin phuh Việt Nam mơnê khât kơ Đảng ƀô̆, mâu Kăn ƀă kuăn pơlê dêi kong pơlê Vân Nam hiăng nhoăm pơtối râk Tíu tơbâ.

Kố cho “Tíu ki hdró’’ vâ kuăn pơlê, malối mâu rơxông ối nếo péa tơnêi têa  hriâm, ing mê ‘no hnoăng a tơdroăng tơrŭm krá ‘’hlối cho ngế pú, hlối cho nhŏng o ‘’Việt Nam - Sinuâ đi đo ngiât lĕm, plâ rơxông krá kak’’.