Kơxo lơ 9/5, tơƀai pơto pôa Phạm Minh Chính, Ngế pro xiâm hnê ngăn tơnêi têa lo ing pơlê kong xiâm Hà Nội lo lăm veăng Hneăng hôp khu râ kăn xiâm ASEAN roh má 42 sap ing hâi lơ 9 – 11/5 a Indonesia. Roh lăm pôu pêi cheăng kố dêi pôa Phạm Minh Chính, Ngế pro xiâm hnê ngăn tơnêi têa mơhno ó rơdêi tơdroăng pơtâng hnê tối ‘na môi Việt Nam mơhnŏng veăng xêh, veăng kum hên, tơveăng pôu râng hnoăng cheăng rơtế mâu kong têa ối tung khu tơrŭm đi đo rak ƀă thăm mơdêk hnoăng tíu xiâm ƀă mơnhông mơdêk hnoăng cheăng rơkong tơpui dêi ASEAN ƀă hơniâp lĕm, tơniăn ƀă mơnhông mơdêk a kơpong ƀă tung lâp plâi tơnêi.

Klêi mê, veăng kum thăm tơrŭm môi tuăn ƀă ASEAN, hbrâ mơdât châ tơƀrê ƀă mâu pơloăng mơnúa dế ai. Rơtế a mê rak krá tơniăn troăng tơmiât pêi, rak krá tơniăn troăng tơmiât pêi dêi ASEAN ‘na mâu tơdroăng lâp plâi tơnêi, kơpong ƀă Biển Đông. Tơdrêng amê mơnhên kơvâ tơrŭm kơjo dêi Việt Nam cho tơdjêp troăng kân tê mơdró ton xŏn, pơhlêh pêi cheăng xúa kŏng ngê̆, krúa lĕm kong prâi, tơniăn bê kế kâ, on tơhrik, têa châu têa kơxăng, on gas, mơnhông mơdêk kơpong ƀă hbrâ ví kong prâi hơ’lêh.