VOV4.Xơ Đăng - Kơxo lơ 31/7, pôa Phạm Minh Chính, Ngế pro xiâm hnê ngăn tơnêi têa troh séa ngăn, pêi tơdroăng cheăng ƀă tơpui ‘na troăng rơhlâ tah ki xơpá, tơvâ tơvân a tơdroăng Tơkêa bro po rơdâ pêi pro rôh má 2 Hngêi kơmăi pro meăm thép Thái Nguyên. Châ pơxiâm pro ing hơnăm 2007, ƀă tâi tâng kơxô̆ liăn ‘no tâi tâng apoăng 3.800 rơtal liăn, la tơdroăng tơkêa bro mê ton ta troh nôkố hâi pro klêi ƀă ối hên tơdroăng xơpá, tơvâ tơvân ki ê.

Ngế pro xiâm hnê ngăn tơnêi têa mơnhên ngăn tơdroăng tơkêa bro po rơdâ pơla rôh má 2 Hngêi kơmăi pro meăm Thép Thái Nguyên

Klêi séa ngăn, Ngế pro xiâm hnê ngăn hiăng pơkuâ rôh pêi cheăng ƀă mâu kăn bô̆, kơvâ cheăng, kơ koan, kong pơlê, khu mơdró vâ tơmâng tối tơbleăng, hnê tối, pâ thế dêi rêm pâ ki tơdjâk troh. Ngế pro xiâm hnê ngăn tơnêi têa tối nhên, tơdroăng cheăng pêi ki kal má môi cho thâ tăng troăng rơhlâ pêi pro má môi ăm tơdroăng tơkêa bro vâ tối tơbleăng ăm mâu râ kơpêng séa ngăn, pơkâ, klêi tối, tơpui tơno, tối nhên tơdroăng ki hlo ai khât, khoa hok, ki tro luât, rak tơniăn ‘nâi kơdĭng má môi, tơ-brê ăm tơnêi têa ƀă khu mơdró.

Klêi tơmâng tối tơbleăng, Ngế pro xiâm hnê ngăn tơnêi têa tối nhên, kố cho tơdroăng tơkêa bro ki pêi mơdon, hrá pê klêi tung hên hơnăm thế tơkŭm séa ngăn mơnhên klêi pơkâ dêi luât, séa ngăn mâu tơdroăng hnê mơhno dêi khu xiâm kal kí, tối mơgêi hiăng klêi séa ngăn.

Gương tơplôu ƀă tơbleăng