VOV4.Xơ Đăng - Hâi lơ 11/9 pôa Phạm Minh Chính, Ngế pro xiâm hnê ngăn tơnêi hiăng ai rôh tơpui tơno ƀă pêi cheăng ƀă Grup pơkuâ ngăn ‘na Têa châu tơnêi têa Việt Nam. Rôh tơpui tơno pêi cheăng châ tơkŭm po tơdrêng a tíu pêi cheăng dêi PVN a Hà Nội tơdjêp ƀă tíu mơ’no dêi mâu tíu xiâm dêi Petrovietnam tung lâp tơnêi têa, mâu tơmeăm kơmăi hrik têa châu ‘măn a tơdế têa kơxĭ Việt Nam ƀă kong têa Rusi cho dêi Petrovietnam.

Klêi kơ’nâi tơmâng mâu tơdroăng veăng hnê tối, tối mơgêi hâi hôp, pôa Phạm Minh Chính, Ngế pro xiâm hnê ngăn tơnêi khĕn kơdeăn tuăn mơno mơ-eăm, tơdroăng tơrŭm, ‘nâi hriăn plĕng ki nếo tung pêi pro, tơkâ luâ xơpá pơtối rak ki mơnhông mơdêk dêi Grup.  Ngế pro xiâm hnê ngăn tơnêi têa tối nhên, thăm rế pá, pơloăng mơnúa, hnoăng cheăng pêi rế hngăm hno thế tơrŭm môi tuăn, vâ môi tuăn dêi rơpó, rơkê ƀeăn, ‘nâi hriăn tơdroăng ki nếo, khên tơmiât, khên pêi xua vâ pro pơxúa ăm tơnêi têa, hdroâng mơngế.

Pôa Phạm Minh Chính, Ngế pro xiâm hnê ngăn tơnêi têa tơbleăng a hâi pêi cheăng

Pơkâ ki kal má môi mâu vâi pú ôh tá chiâng lôi ăm ôh tá bê têa châu malối cho têa kơxăng. Thế mơjiâng Grup hrik chuâ têa châu ki kân má môi rế xông rơdêi, tơ-brê, cho khu mơdró ki xiâm tung kring vế têa châu tơnêi têa, veăng pro ki xiâm tơ-brê ăm tơdroăng mơnhông cheăng ƀă kơmăi kơmok, tiô túa nếo nôkố.

Gương tơplôu ƀă tơbleăng