VOV4.Xơ Đăng - Hâi lơ 31/8, pôa Phạm Minh Chính, Ngế pro xiâm hnê ngăn tơnêi têa rơtế ƀă mâu kăn cheăng tung Chin phuh hiăng ai rôh pêi cheăng ƀă kăn hnê ngăn kong pơlê Bình Thuận. Tơbleăng a roh pêi cheăng, kăn hnê ngăn kong pơlê Bình Thuận hiăng mơhno mâu tơmeăm khoăng ki ai hlâu tơ’lêi mơnhông cheăng kâ ki phá xêh, rôh tơ’lêi vâ pro tơ-brê, xơpá pơloăng mơnúa  ƀă mâu tơdroăng ki hâi pêi pro, ki pro hâi tro mê cho: mâu tơdroăng dêi kong pơlê mơnhông hrá, hâi krá kak; pơtối ‘mâi mơnhông cheăng kâ dêi kong pơlê ƀă tung tơdroăng kơvâ cheăng, tơdroăng cheăng pêi hâi tơ-ƀrê tiô pơkâ. Tơrŭm tung kơpong pêi hâi rơhéa.

Rơtâ tá hâi pêi cheăng

Tơdroăng mơjiâng tơmeăm khoăng hâi châ ’no liăn mơjiâng pro tơdâng tơ’mô. Tơdroăng mơjiâng tơmeăm khoăng mâu kơpong pêi cheăng, kơpong hngêi kơmăi ối hrá; tơdroăng tơ’mot mâu tơdroăng tơkêa bro hâi ‘no liăn pêi tro tiô pơkâ ối pá tơvâ tơvân... Kong pơlê Bình Thuận xuân pơkâ thế Chin phuh, Ngế pro xiâm hnê ngăn Chin phuh ‘na mơjiâng troăng prôk môi tiah mơdêk ‘mâi rơnêu, po rơdâ troăng kân 28 dêi tơnêi têa; ‘mâi rơnêu pro troăng kân 55 dêi tơnêi têa; mơjiâng kơpong hngêi kơmăi ki dâi lĕm ƀă kơpong cheăng kâ kĭng têa kơxĭ; mơdêk ‘mâi pro on tơhrik, kơtâu ƀă khía a tơdế têa kơxĭ ƀă ‘no liăn mơjiâng pro on tơhrik.

Gương tơplôu ƀă tơbleăng