Hâi dế lơ 4/5, a Tíu pêi cheăng Chin phuh, klêi kơ’nâi leh tơdah ƀă tơpui tơno ki păng ‘nâng, pôa Phạm Minh Chính, Ngế pro xiâm hnê ngăn Chin phuh prế Ngế pro xiâm hnê ngăn tơnêi têa tơnêi têa Luxembourg pôa Xavier Bettel ngăn kĭ tơkêa mâu hlá mơ-éa tơrŭm cheăng ƀă trâm mâ khu chêh hlá tơbeăng vâ tơbleăng klêi kơ’nâi rôh hôp tơpui tơno pơla péa Ngế pro xiâm hnê ngăn tơnêi têa.

A rôh trâm mâ khu chêh hlá tơbeăng, pôa Phạm Minh Chính, Ngế pro xiâm hnê ngăn Chin phuh ăm ‘nâi, péa ngế kăn pơkuâ nếo ai rôh tơpui tơno tơdrăng, khât, loi tơngah, rơtế ƀă dêi rơpó tơpui tơno hên tơdroăng tơrŭm cheăng tung hên kơvâ cheăng, tung tơdroăng ki ai mâ dêi péa pâ xuân môi tiah tung hên kơvâ ki ê. Pôa Xavier Bettel ăm ‘nâi, Luxembourg đi đo rơtế ƀă Việt Nam tá rôh trâm pá ƀă rôh tơ’lêi hlâu, mơnhông; rơhêng vâ ƀă loi tơngah klêi kơ’nâi mâu rôh lăm pôu kố tơrŭm cheăng pơla péa tơnêi têa kô châ mơdêk a troăng ki nếo, mot trâu hngế ai pơxúa, tơƀrê tâ.

Ngế pro xiâm hnê ngăn Luxembourg - pôa Xaveir Bettel ăm ‘nâi, péa pâ môi tuăn mơdêk tơrŭm cheăng tung pơkâ tơleăng mâu tơdroăng tung lâp plâi tơnêi. A kơxê lơ 4/5 péa Ngế pro xiâm hnê ngăn tơnêi têa hiăng veăng lăm hyô ngăn a Văn Miếu – Quốc Tử Giám ƀă Tíu ‘măn rak kế tơmeăm Kơchuâ um Việt Nam.