Ngế pro xiâm hnê ngăn tơnêi têa tối ăm ‘nâi, tơdroăng tơkŭm po Têt Lo hơnăm nếo Bính Ngọ 2026 pơla kố nah ai hên tíu ki châ tơƀrê hên tâ hơnăm hdrối, kuăn pơlê tơdah Têt phiu ro, hơtô, rơkê, tuăn pâ; tơdroăng cheăng hơnăm nếo châ pêi pro sap ing hâi apoăng hơnăm, khế apoăng tiô tơdroăng mâu pơkâ dêi Tơnêi têa ƀă Chin phuh.

Ngế pro xiâm hnê ngăn tơnêi têa pơkâ thế Ƀơrô Chin phuh mơnhông tiô khôi vâi krâ roh nah, pơhlêh nếo tâi tâng tơdroăng tơbleăng, tơkŭm tâi tâng; pêi pro rĕng troăng hơlâ, tro ƀă châ tơƀrê; pêi cheăng ‘nâng ‘nâi, prôk tơdrăng tung hnoăng cheăng, tơrŭm krá tơniăn pơla mâu tíu cheăng; khên tơmiât, khên pêi, khên pôu râng hnoăng cheăng; rak krá tơniăn tơdroăng tơrŭm môi tuăn, môi mơno sap apoăng troh tá tui lui, nhuô̆m hâi khế ƀă pơkâ tro tơdroăng.