Kơxo hâi lơ 20/4, Hneăng hôp tơbleăng ƀă tối tơbleăng pêi Pơkâ tâi tâng dêi tơnêi têa pơla hơnăm 2021-2030, tối tơdroăng vâ pêi troh hơnăm 2050, ƀă pơxá “Tuăn tơmiât ki nếo - hvái ngăn vâ pêi tơdroăng nếo - rôh pêi ki nếo - ki pơxúa nếo” hiăng châ po xua pôa Phạm Minh Chính, Ngế pro xiâm hnê ngăn Chin phuh pơkuâ hneăng hôp. Hneăng hôp châ tơkŭm po tiô tơdroăng mơ’no tơdrêng tiô troăng hyôh internet a xiâm mơ’no cho a Tíu pêi cheăng Chin phuh ƀă 63 to kong pơlê, pơlê kong kân dêi râ xiâm Tơnêi têa.

Tối tơbleăng a hneăng hôp, pôa Phạm Minh Chính tối, pơkâ hdró tâi tâng dêi tơnêi têa cho hnoăng cheăng ki kal kân ai pơxúa tung hnoăng cheăng, ton hơnăm, la xuân cho tơdroăng ki kân rơdâ, ki nếo, pá puât, hlối tơ’lêi hlê tá tro ƀă hâi ai xiâm pêi”.

Kố cho xiâm ngăn a luât ki tơtro, tơdroăng ki kal vâ kum Tơnêi têa pơkâ, pro xiâm mơhnhôk, ngăn rôh vâ mơnhông pêi pro, rak tơniăn tung tơdjêp tơdâng tơ’mô pơla pơkâ hdró râ tơnêi têa ƀă tơdroăng pơkâ kơpong ƀă pơkâ dêi kong pơlê, vâ tăng ‘nâi xiâm tơmeăm khoăng, ki tơ’lêi hlâu dêi tơnêi têa vâ mơnhông cheăng kâ rêh ối rĕng ƀă hlối krá ton hơnăm.

Ngế pro xiâm hnê ngăn tơnêi têa pơkâ thế rêm râ, mâu kơvâ cheăng tơkŭm hnê mơhno tối tơbleăng pêi tơdrêng tơdâng ai pơxúa 10 tơdroăng cheăng troăng rơhlâ pêi pro, xoăng tơdroăng cheăng pêi nhên vâ pêi hdrối mơhno xiâm pêi ai pơxúa dêi tơdroăng mê.