VOV4.Xơ Đăng - Kơxê lơ 12/9, pôa Phạm Minh Chính, Ngế pro xiâm hnê ngăn Chin phuh pơkuâ po Rôh hôp rak vế tơniăn cheăng kâ kân. Tơpui a rôh po hôp, Ngế pro xiâm hnê ngăn tơnêi têa mơhno nhên 11 khu hnoăng cheăng, troăng hơlâ ki kal ƀă pơkâ thế pôi tá chiâng tơngôu, ‘nâi nhên tơdroăng ki ôh tá tơniăn dêi kong têa ê, tung tơnêi têa, mơdêk ivá tơpui tối leăng, tối tơbleăng ƀă pơxâu phâk, kơtăng tung hnê mơhno pơkuâ cheăng kâ kân. Pơtối pơkuâ hbrâ rơnáu, rơkê, tơƀrê ƀă tơrŭm krá tơniăn, tơdâng tơ’mô pơla liăn ngân, troăng liăn ngân ƀă mâu troăng hơlâ ki ê vâ séa ngăn mơdât tơdroăng ki pro mơhrê liăn ngân, tơniăn cheăng kâ kân, mơdêk rak vế mâu tơdroăng ki séa ngăn klâ xoăng tơdâng dêi tơdroăng cheăng kâ.

Ngế pro xiâm hnê ngăn tơnêi têa tơpui a rôh hôp

Hnê mơhno pơkuâ ai tơdroăng pơkâ ki kal, mơnhên nhên mâu tơdroăng pơkâ, tơdroăng pơkâ thế, kế tơmeăm xúa troăng hơlâ tơtro, rak vế tơniăn tơƀrê tâi tâng ƀă tơdroăng ki tơrŭm tro pơla tơdroăng pơkâ, ki pơxúa ki hdrối tâ ƀă ki ton xŏn, xua tơdroăng mơnhông mơdêk krá ton dêi tơdroăng cheăng kâ.

Katarina Nga tơplôu ƀă tơbleăng