VOV4.Xơ Đăng - Kơxo lơ 26/7, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn Chin phuh pơkuâ roh hôp Chin phuh ‘na mơjiâng luât khế 7/2022 vâ séa ngăn 4 tơdroăng tơkêa bro luât, 1 pơkâ mơjiâng luât ƀă 1 pơkâ dêi Chin phuh. Xông tơpui pơxiâm po roh hôp, pôa Phạm Minh Chính tối nhên, tơdroăng kêi đeăng pơkâ pêi cho 1 tung 3 tơdroăng mơnhông tơƀrê ton xŏn. Ngế pro xiâm hnê ngăn tơnêi têa pơkâ séa ngăn ing tơdroăng ai khât nôkố vâ thăm tơ’nôm, kêi đeăng, kum tung pơkuâ tơtro tâ.

Mâu khu xiâm, kơvâ cheăng, kong pơlê thăm pơtroh mơngế pêi cheăng ăm tơdroăng cheăng kố xua u ối hên tíu tá hâi vâ pêi pro khât. Ngế pro xiâm hnê ngăn tơnêi têa pơcháu Khu xiâm pơkuâ luât ai hnê mơhno thăm pơtroh mơngế pêi cheăng ăm tơdroăng cheăng kố xua ối hên tíu tá hâi tơmâng khât. Ngế pro xiâm hnê ngăn tơnêi têa pơcháu Khu xiâm hnê arak luât ai hnê mơhno thăm pơtroh mơngế pêi cheăng ăm tơdroăng mơjiâng pro mơ-éa luât; Khu xiâm pơkuâ liăn ngân kal tơmâng ‘na tơdroăng kố.

Roh hôp kố tơkŭm séa ngăn 4 tơdroăng tơkêa bro luât, mê cho Luât hbrâ xivil, Luât hbrâ, mơdât xúa liăn ki ôh tá lĕm tro (‘mâi rơnêu), Luât gak kring hnoăng pơxúa mơngế rôe xúa (‘mâi rơnêu), Luât mơdró troăng điê̆n tưh, cho mâu luât ki kal tung pơkâ nôkố vâ pêi pro pơkuâ tơnêi têa krá tơniăn, châ tơƀrê tâ, pro tơ’lêi hlâu ăm kuăn pơlê pêi pro luât tơtro tâ.

A Sa Ly tơplôu ƀă tơbleăng