Pôa Phạm Minh Chính - Ngế pro xiâm hnê ngăn tơnêi têa tối nhên, Vân Nam ai tíu ki kal tung tâi tâng tơrŭm cheăng  pơla Việt Nam - Sinuâ. Việt Nam ƀă Vân Nam ai hên tơmeăm khoăng, ki tơ’lêi hlâu tung tơrŭm cheăng, ai hên ki vâ tơ’nôm a dêi pó, hlối púi vâ, tơdroăng kal vâ dêi péa pâ tung tơdroăng tê mơdró  ƀă mâu kong pơlê dêi Việt Nam.

Ngế pro xiâm hnê ngăn tơnêi têa xuân púi vâ péa pâ tơrŭm ƀă krá khât tung tơdroăng rak ngăn, kring vế tíu tơkăng kong tiô 3 tơdroăng chêh ‘na tíu tơkăng kong ƀă tơnêi ƀă mâu tơdroăng tơhrâ ki tơdjâk troh, tơrŭm tơkŭm po tro mâu tơdroăng troh tơbâ 25 hơnăm kĭ tơhrâ Tíu tơkăng kong tơnêi têa ƀă 15 hơnăm kĭ 3 tơdroăng chêh ‘na luât ‘na tíu tơkăng kong tơnêi tung hơnăm 2024.