A tíu pêi cheăng dêi Chin phuh, pôa Phạm Minh Chính, Ngế pro xiâm hnê ngăn Chin phuh hiăng tơdah pôa Dmitry Medevedev, Kăn xiâm hnê ngăn Đảng Rusi rŭm môi tuăn, Kăn xiâm phŏ hnê ngăn Hô̆i đong kring tơniăn kong têa Rusi drêng rôh lăm pôu Việt Nam.

A rôh tơdah, pôa Phạm Minh Chính - Ngế pro xiâm hnê ngăn Chin phuh tối Việt Nam đi đo pêi pro tiô troăng rơhlâ tơpui kâ krê, pơkuâ dêi, hơniâp lĕm, tơrŭm tơrôa ƀă mơnhông mơdêk, hên túa, hên troăng tơrŭm cheăng; mơ-eăm tơrŭm ƀă lâp plâi tơnêi; cho pú hmâ, cho khu tơrŭm cheăng ki loi nhoăm, cho kong têa ki kơhnâ mơ-eăm, ‘nâi hnoăng pêi pro dêi tơná dêi mâu kong têa tung lâp  plâi tơnêi. Peăng tơná pôa Medvedev tối Đảng tơnêi têa Rusi môi tuăn đi đo môi tuăn mơnhông tơrŭm cheăng tung tŭm tơdroăng ƀă Việt Nam, pơtối ‘mâi mơnhông mâu kơvâ cheăng tiah hmâ, hlối po rơdâ tơrŭm cheăng tung mâu kơvâ cheăng kâ-tê mơdró, ‘no liăn cheăng, túa lĕm tro, ôm hyô, tơrŭm ƀă mâu  kong pơlê, trâm mâ kuăn pơlê.

Péa pâ mơdêk ƀă pro trâu tâ tơrŭm cheăng pơla péa pâ tung mâu kơvâ cheăng ‘na on tơhrik, têa châu, khoa hok - kih thuât, hnê hriâm ƀă hnê mơjiâng tuăn ngôa rơkê.