Hâi lơ 6/1, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa hiăng tơdah kăn teăng mâ Kul cho pôa Chay Navuth troh koh pơ’lâng, mơgêi dêi hneăng cheăng a Việt Nam. A rôh tơdah, pôa Phạm Minh Chính tối nhên tơrŭm cheăng tơviah pơla Việt Nam – Kul cho ôh tá la lâi kâi tơklâ, tung mê ai mâu tơdroăng ki tŏng kum mâu tơdroăng xơpá ki ôh tá kâi riân.

Hnoăng cheăng dêi rêm tơnêi têa cho pơtối tơbêng tiô khôi hmâ tơniăn lĕm kố vâ rơtế ƀă dêi rơpó xông tơtêk, kum dêi rơpó rơtế mơjiâng tơdroăng cheăng tơniăn krê, tung hiâm mơno ki tơdrăng, loi tơngah, tơƀrê. Malối cho athế mơdêk tơrŭm hnê ăm mâu ngế cheăng; hnê hriâm khôi hmâ tơrŭm, hnê hriâm tơdroăng ton nah, mơhno túa lĕm tro dêi rêm tơnêi têa ăm mâu rơxông hơnăm ối nếo. Ngế pro xiâm hnê ngăn tơnêi têa pơkâ thế tung hnoăng cheăng ki nếo, pôa kô pơtối veăng kum ivá tung tơdroăng rak vế, tơbêng khôi hmâ tơrŭm ƀă tŏng kum dêi rơpó pơla péa tơnêi têa.