Kơxê lơ 6/7, a tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa hiăng tơdah Kăn teăng mâ Kŏng hòa Pơhlăng cho pôa Nicolas Warnery hdrối Kăn teăng mâ mơgêi dêi hneăng cheăng pêi cheăng a Việt Nam. Vâ mơdêk tơrŭm cheăng pơla péa tơnêi têa tung la ngiâ, Ngế pro xiâm hnê ngăn tơnêi têa pơkâ thế pơtối tơkŭm po mâu rôh trâm mâ, pơtroh mâu khu râ kăn xiâm lăm troh a tơnêi têa dêi rơpó.

Drêng kố, ing kăn teăng mâ, Ngế pro xiâm hnê ngăn tơnêi têa pơtroh rơkong kơ-êng troh pôa Emmanuel Macron, Kăn xiâm pơkuâ kong têa prế jâ Elisabeth Borne, Ngế pro xiâm hnê ngăn kong têa, rơhêng vâ tơdah jâ Elisabeth Borne, Ngế pro xiâm hnê ngăn lăm pôu Việt Nam.

Ngế pro xiâm hnê ngăn tơnêi têa pơkâ thế péa pâ pơtối tơbleăng tŭm, tơƀrê vâ xúa mâu rôh hôp ki kân dêi Tơkêa tê mơdró Tơniăn krê Việt Nam – EU (EVFTA); pơkâ thế Pơhlăng rĕng kĭ tơkêa rak vế ‘no liăn cheăng Việt Nam – EU (EVIPA) vâ bro hơ’lêh ki ai hlâu tơrŭm cheăng pơla péa tơnêi têa tung kơvâ cheăng ‘no liăn.