Kơxê hâi lơ 12/5, pôa Phạm Minh Chính, Ngế pro xiâm hnê ngăn tơnêi têa tơdah pôa Ki Tack Lim, Kăn xiâm chêh tôm xo rơkong Khu tơrŭm cheăng a Têa kơxĭ lâp plâi tơnêi -IMO. Pôa Phạm Minh Chính - Ngế pro xiâm hnê ngăn tơnêi têa tối, Việt Nam cho tơnêi têa tung khu ai ‘nâi hnoăng cheăng pêi tơná tung tơdroăng pêi pro tiô tơdroăng tơhrâ dêi lâp plâi tơnêi tối tơdjuôm ƀă tơdroăng tơhrâ lâp plâi tơnêi ‘na tơdroăng a têa kơxĭ tối krê.

Chin phuh Việt Nam  púi vâ IMO pơtối cho khu tơrŭm cheăng lâp plâi tơnêi djâ troăng ahdrối tung khu tung tơrŭm cheăng a têa kơxĭ. Việt Nam ai lối 3.000 km têa kơxĭ, cho tung troăng a têa kơxĭ lâp plâi tơnêi, troăng xiâm tơdjêp têa kơxĭ ki kân má môi cho Thái Bình Dương ƀă Ấn Độ Dương, kơpong ai tơdroăng cheăng kâ mơnhông mơdêk rơkê ƀeăn ƀă mơdêk rĕng.

Việt Nam ngăn mơnhông cheăng kâ cho môi tung mâu pơkâ má môi tung troăng rơhlâ mơnhông cheăng kâ lâp plâi tơnêi, nôkố ai 34 kơno têa kơxĭ dế pêi cheăng. Vâ mơdêk tâ nếo tơrŭm cheăng tung mâu kơvâ cheăng a têa kơxĭ, Ngế pro xiâm hnê ngăn tơnêi têa pâ thế IMO ƀă Ngế xiâm chêh tôm xo rơkong pơtối veăng kum ƀă kum Việt Nam mơdêk ivá cheăng kâ - rêh ối dêi Việt Nam ƀă mơdêk tơniăn lĕm, tơrŭm tơrôa, mơnhông mơdêk tung lâp plâi tơnêi.