Kơxê măng lơ 14/6, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn Chin phuh hiăng tơdah Kăn xiâm hnê ngăn Kuô̆k hô̆i kong têa Kŏng hòa Bờ Biển Ngà - pôa Adama Bictogo klăng roh lăm pôu pêi cheăng Việt Nam. A roh tơdah, pôa Phạm Minh Chính, Ngế pro xiâm hnê ngăn Chin phuh mơnhên tối, Việt Nam đi đo nhuô̆m tơdroăng thăm mơdêk tơrŭm cheăng nhŏng o ƀă kong têa Bờ Biển Ngà, ngăn Bờ Biển Ngà cho môi tung mâu khu tơrŭm cheăng ki kal dêi Việt Nam a châu Phi.

Péa Kăn xiâm kheăn kơdeăn tơdroăng mơnhông tung tơrŭm pơla péa pâ a pơla kố nah, ki má lối cho tung kơvâ kal kí – tơpui kâ ƀă kong têa ê, cheăng kâ, tê mơdró, khôi túa lĕm, hnê hriâm. Pôa Phạm Minh Chính pơkâ thế, tung la ngiâ, péa pâ kal rak tơniăn tơdâng tơ’mô ‘na tê mơdró, ai hên tơmeăm tê mơdró, thăm tê ngi kong têa ê mâu tơmeăm ki hên dêi Việt Nam ƀă hriăn plĕng po rơdâ tơrŭm cheăng mâu kơvâ tơmeăm ki ai hlâu ki ê.