VOV4.Xơ Đăng - Kơxê lơ 15/8, pôa Phạm Minh Chính, Ngế pro xiâm hnê ngăn tơnêi têa hiăng tơdah ngế xiâm tơpui kâ dêi Qatar, pôa Sheikh Mohammed bin Abdulrahman Al-Thani, koh tơpui tơno. Ngế pro xiâm hnê ngăn tơnêi têa pin khĕn kơdeăn  mâu tơdroăng mơnhông mơdêk tung tơrŭm cheăng hên tơdroăng pơla Việt Nam ƀă Qatar; péa tơnêi têa hmâ đi đo tơpui tơno tung to mâu kăn, môi tuăn dêi rơpó a mâu hneăng hôp tơpui hên troăng.

Pôa Phạm Minh Chính, Ngế pro xiâm hnê ngăn tơnêi têa tơdah Ngế xiâm phŏ hnê ngăn, Ngế xiâm tơpui kâ dêi Qatar

Ngế pro xiâm hnê ngăn tơnêi têa  pơkâ thế péa tơnêi têa mơdêk mâu tơdroăng tơpui tơno tơrá mâu kăn, mâu khu xiâm kơvâ cheăng ƀă trâm tơpui tơno ƀă kuăn pơlê, trâm tơpui tơno mơho túa lĕm tro pơla péa tơnêi têa; pro tơ’lêi hlâu ăm mâu tơmeăm tê ăm kong têa ê ki rơdêi dé rơpó châ ‘mot tê a kong têa dêi rơpó; pơkâ athế Qatar  kum mơnhông cheăng kơmăi kơmok Halal a Việt Nam vâ mâu tơmeăm Việt Nam pêi ai tiô tơdroăng pơkâ dêi mâu kong têa tiô khôp Islam.

Gương tơplôu ƀă tơbleăng