A rôh tơdah, Ngế pro xiâm hnê ngăn tơnêi  tối nhên, tơrŭm cheăng pơla Việt Nam ƀă Rusi, pơla Đảng Kŏng san Việt Nam ƀă Đảng Kŏng sản Rusi rế krá tơniăn. Pôa Phạm Minh Chính Ngế pro xiâm hnê ngăn tơnêi tối tiah kố, tung pơla ai tơdroăng nôkố 2 tơnêi têa kal tơrŭm krá, tăng troăng ki rơdêi tâ, tơpui tơno mơdêk loi nhoăm dêi rơpó ƀă hlê dêi rơpó; tơmâng ƀăng tuăn loi tuăn tơdrăng khât, tối ăm dêi rơpó ‘nâi mâu tơdroăng tối tá hiâm mơno hlối pêi pro mơhno ƀă tơmeăm khoăng.

Tối ‘na tơdroăng tung la ngiâ, Việt Nam pơkâ kô pêi châ 2 kơxô̆, Ngế pro xiâm hnê ngăn tơnêi tối, Việt Nam ‘nâi nhên tơmeăm khoăng xiâm tung tá cho kuăn mơngế, kong kế, túa lĕm tro cho ki kal, troăng hơlâ pêi, tơdroăng pơkâ; xiâm ing pá gong cho kŏng ngê̆, on tơhrik têa châu, rak ngăn cho thế pêi pro đi đo, pêi tơƀrê. Ƀă tơmeăm xiâm ing pá gong, Ngế pro xiâm hnê ngăn tơnêi tối nhên Việt Nam ôh tá lâi ôh tá ai tơdroăng veăng gum ing kong têa Rusi, malối cho ‘na on tơhrik, têa châu, mâu tơdroăng ki tơdjâk troh ‘na kring tơniăn lêng, túa lĕm tro.