Hâk ro châ trâm vâi krâ kuăn pơlê tung roh lăm pôu kong têa Rusi, Ngế pro xiâm hnê ngăn tơnêi têa tối ăm ‘nâi, mơhé hiăng troh a kong têa Rusi hên xôh, laga rêm roh châ trâm ƀă tơpui tơno ƀă kuăn pơlê cho tâ rơrêk tung hiâqm mơno drêng ‘’tuăn pâ hdroâng mơngế - tuăn pâ vâi krâ kuăn pơlê’’ dêi kuăn pơlê pin a kong têa Rusi – môi pơlê pơla tơrŭm môi tuăn, chiu mơ-eăm pôu pá, châ tơƀrê ƀă ai hiâm mơno tơmiât troh a pơlê xiâm, tơnêi têa.

Ngế pro xiâm hnê ngăn tơnêi têa pói vâ vâi krâ kuăn pơlê mơngế Việt Nam a Rusi thăm tơrŭm môi tuăn, tơniăn lĕm, ai tíu cheăng krá tung pơlê pơla a kong têa vâi; chiâng kông tơdjâk krá tơniăn ăm tơrŭm cheăng pơla péa tơnêi têa; pói vâ pơlê pơla pơtối pêi lĕm tro luât a kong têa ki dế rêh ối pêi cheăng, mơhriâm tâp, pêi cheăng tâi ihiâm mơno, hbrâ hriâm mâu túa ki rơkê, túá rêh ối – pêi cheăng, kŏng ngê̆, túa ki rơkê pơkuâ dêi kong têa pú hmâ, thăm tơdjêp, mơdêk mơ’no liăn cheăng, ai hên tơdroăng pêi ki pơxúa tâ mê nếo tơmiât troh Tơnêi têa.

Ngế pro xiâm hnê ngăn tơnêi têa pơkâ thế Kơ koan teăng mâ Việt Nam a kong têa Rusi pêi lĕm tro tâ nếo tơdroăng tŏng gum kuăn pơlê, rak ngăn ăm kuăn pơlê pin ki rêh ối hơngế tơnêi têa tơná.