Tiô pơkâ pêi pro, pôa Phạm Minh Chính, Ngế pro xiâm hnê ngăn Chin phuh kô veăng ƀă ai mâu ƀai xông tơpui ki a 3 hneăng hôp hên troăng mê cho Hneăng hôp khu râ kăn xiâm GMS roh má 8, Hneăng hôp Khu râ kăn xiâm ACMECS roh má 10, Hneăng hôp Khu râ kăn xiâm CLMV roh má 11; tơkŭm po mâu roh trâm mâ pơla péa pâ ƀă mâu khu tơrŭm cheăng ki kal; veăng mâu tơdroăng mơđah tơbleăng ôm hyô Việt Nam, tơpui tơno ƀă khu tê mơdró; lăm pôu mâu tíu cheăng kâ, logistic a Côn Minh ƀă Trùng Khánh, Sinuâ.

Tung mâu hâi pêi cheăng, Ngế pro xiâm hnê ngăn Chin phuh tối hdrối trâm mâ ƀă hên khu tơrŭm cheăng ki kal, ai tơmeăm tơrŭm ƀă Việt Nam a tâi tâng mâu râ. Tung mê, ai mâu khu tơrŭm mơnhông, mâu pơkâ liăn ngân hên pâ, mâu kơ koan xiâm, khu xiâm, kơvâ cheăng, kong pơlê, khu tê mơdró Sinuâ.