Ƀă dó inâi “Mơdêk tơrŭm nhŏng o ƀă rŭm môi tuăn xua môi pơlê pơla ó rơdêi xêh ƀă kro mơdrŏng’’, Hneăng hôp hiăng pơkâ troăng pêi la ngiâ kân vâ mơnhông tơmeăm ki rơdêi dêi mâu khu tơrŭm cheăng, hbrâ roh ing mâu troăng mơnhông mơdêk nếo, chiâng tíu troh mơ’no liăn cheăng má môi kơpong, ƀă mơjiâng tơdroăng châ tơƀrê ăm tơrŭm cheăng pơla mâu kong têa Kul – Lếo – Myanmar – Việt Nam.

Xông tơpui a Hneăng hôp, pôa Phạm Minh Chính, Ngế pro xiâm hnê ngăn tơnêi têa mơnhên lâp plâi tơnêi dế châ hlo mâu pơhlêh ki trâu rơdâ, po pŭn têa roh tơ’lêi mơnhông tá hâi chói ai, roh tơ’lêi dêi rơxông tơdjêp ƀă pơhlêh nếo tơmiât pêi rơkê. Kố cho drêng ki tơ’lêi hlâu má môi vâ châ tơƀrê păng ‘nâng ăm tơrŭm cheăng pơla mâu kong têa tung kơpong.

Ngế pro xiâm hnê ngăn Chin phuh mơnhên Việt Nam đi đo nhuô̆m tơrŭm cheăng Kul – Lếo – Myanmar – Việt Nam ƀă kô pơtối veăng kum tâi ivá tơná vâ pro trâu hơngế tâ tơrŭm tiô khôi vâi krâ nah, tơnêi têa ki achê lĕm, rơtế ai pơxúa, rơtế mơ-eăm tung chal mơnhông nếo.