VOV4.Xơ Đăng - Kơxo lơ  5/8, a  Hà Nội, pôa Phạm Minh Chính, Ngế pro xiâm hnê ngăn tơnêi têa veăng leh tơbâ 20 hơnăm mơjiâng Khu xiâm ngăn tơmeăm khoăng ƀă hyôh kong prâi. Rôh kố, pôa Nguyễn Phú Trọng, Kăn xiâm pơkuâ hnê ngăn Đảng hiăng pơtroh kơthô rơkâu. Kăn xiâm pơkuâ hnê ngăn Đảng púi vâ kơvâ ngăn ‘na Tơmeăm khoăng ƀă Hyôh kong prâi hbrâ rơnáu tâ nếo tung tơdroăng tối tơbleăng, tí tăng ‘nâi plĕng, tơbleăng mâu troăng rơhâ vâ hbrâ ví teăm tơdrêng, tơ-brê ƀă hyôh kong prâi hơ’lêh, mơdêk rak ngăn Tơmeăm khoăng ƀă Hyôh kong prâi.

Tơbleăng a leh tơbâ, pôa Phạm Minh Chính mơnê ƀă khĕn kơdeăn mâu tơdroăng ki mơ-eăm dêi mâu kăn, mâu ngế ki pêi cheăng dêi mâu kơ koan tơnêi têa, mâu ngế pêi cheăng ‘na kơvâ ngăn Tơmeăm khoăng ƀă Hyôh kong prâi ing mâu rơxông hdrối nah ƀă hlối rơkâu hnoăng pêi dêi mâu kơvâ cheăng hiăng châ pêi tơ-brê tung tung mâu hơnăm hdrối.

Tung la ngiâ Ngế pro xiâm hnê ngăn tơnêi têa pơkâ thế, kăn ƀô̆, mâu kăn, mâu ngế pêi cheăng ăm tơnêi têa, mâu ngế cheăng ngăn ‘na Tơmeăm khoăng ƀă Hyôh kong prâi thế mơdêk tơrŭm dêi rơpó, tơrŭm krá khât, tơkŭm tâi tâng mâu kăn tung mâu hneăng cheăng dêi Chinh phuh nếo, tơniăn pú iâ, rơkê, pêi cheăng tơ-brê.

Gương tơplôu ƀă tơbleăng