VOV4.Xơ Đăng - Drêng troh leh tơbâ 60 hơnăm hâi mâu lêng kăn sát kuăn pơlê ƀă tơdah Mê dai Hồ Chí Minh po a kơmăng lơ 17/7 a Hà Nội, pôa Phạm Minh Chính, Ngế pro xiâm hnê ngăn tơnêi têa pơtroh rơkong rơkâu ki lĕm tro troh mâu kăn ƀă tâi tâng mâu kăn ƀô̆ mâu lêng dêi khu lêng kŏng an kuăn pơlê, Kăn sát kuăn pơlê Việt Nam mâu ngế chêh pơtối mâu tơdroăng hơdruê plâ ƀlêi trâng dêi rơxông nếo.

Pôa Phạm Minh Chính, Ngế pro xiâm hnê ngăn veăng leh tơba 60 hơnăm hâi mơjiâng khu lêng kăn sát kuăn pơlê

Tơbleăng a hâi leh, pôa Phạm Minh Chính tối nhên, tung plâ mơjiâng tơplâ ƀă xông rơdêi, kăn sát kuăn pơlê Việt Nam hiăng mơhno khât ki tơviah rơrêk tung hiâm mơno ki môi tuăn ƀă Đảng, Tơnêi têa, ƀă Tơnêi têa ƀă kuăn pơlê lâp plâi tơnêi, ƀă luât xah hô̆i chuh ngiah. Tung la ngiâ, todroăng tung lâp plâi tơnêi ƀă tung kơpong châ mâu roh tơ’lêi hlâu, ƀă xơpá, pơloăng mơnúa ai há.

Ƀă hnoăng cheăng xiâm, Ngế pro xiâm hnê ngăn pơkâ thế mâu lêng Kăn sát kuăn pơlê hlê plĕng nhên tơdroăng pơreăng, hmâ ƀă hyôh kong prâi, pơ’lêh tuăn tơmiât, pêi pro, mơdêk tơrŭm, tơkâ luâ tơdroăng pá, tơva tơvân; pêi mâu tơdroăng ki hâi teăm pêi ƀă pêi tro mâu tơdroăng cheăng ki kal ki Ngế pro xiâm hnê ngăn tơnêi têa tối.

Gương tơplôu ƀă tơbleăng