VOV4. Xơ Đăng - Kơxo lơ 24/8, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa pơkuâ hneăng hôp tơpui tơno ‘na mơjiâng luât khế 8/2022 vâ tí tăng ngăn 4 tơdroăng tơkêa luât ki kal hdrối vâ po roh hôp má 4 Kuô̆k hô̆i hneăng 14, mê cho: Tơdroăng tơkêa Luât tơnêi tơníu (‘mâi hơ’lêh)  xua Khu xiâm ngăn tơmeăm khoăng tung kơdâm tơnêi tung têa ƀă hyôh kong prâi ki hbrâ hdrối, tơdroăng tơkêa Luât ‘no liăn cheăng (‘mâi hơ’lêh) xua Khu xiâm Pơkâ ƀă ‘no liăn cheăng hbrâ hdrối; tơdroăng tơkêa luât Tơrŭm pêi cheăng (‘mâi hơ’lêh) xua Khu xiâm ngăn ‘na liăn hbrâ hdrối.

Pôa Phạm Minh Chính, Ngế pro xiâm hnê ngăn tơnêi têa pơkuâ hneăng hôp

Tơbleăng a rôh hôp, pôa Phạm Minh Chính tối nhên, tơdroăng mơjiâng luât pơkâ ki kal, hmâ đi đo, xua mê pơkâ thế mâu ngế cheăng tung Chin phuh, ngế pơkuâ mâu kơ koan thế pêi pro krâu khât, tơkŭm ivá, tuăn ngôa tơpui nhên. Ngế pro xiâm hnê ngăn tơnêi têa púi vâ mâu kăn tơkŭm tơpui ‘na tơdroăng ki tơpui tối ối pơrá phá dêi rơpó, mâu tơdroăng kal ki nếo, mâu tơdroăng ki ối tơvâ tơvân hâi chiâng pêi.

Gương tơplôu ƀă tơbleăng