A rôh trâm mâ, kuăn pơlê tối púi vâ khu  kăn pêi cheăng péa râ rĕng tơniăn, pêi cheăng tơƀrê, ai tiô pơkâ mơnhông cheăng kâ- rêh ối dêi kong pơlê. Ki tơxâng vâ tối, kuăn pơlê tơmâng khât troh tơdroăng ăm hlá mơ-éa mơnhên xúa tơnêi - môi tơdroăng ki u ối a hên hơnăm hâi châ tơlĕang kêi đeăng.

Pôa Phan Đình Trạc khĕn kơdeăn khât mâu hnoăng veăng ‘no dêi kuăn pơlê, hlối tối kô tơkŭm, pơtroh ăm mâu kơ koan râ kơpêng tơleăng. Pôa tối nhên: Mâu kăn cheăm kal hnê nhên ăm kuăn pơlê túa pro hlá mơ-éa; mâu tơdroăng ki lâi ki kăn cheăm pêi kô pê klêi a cheăm mê, ôh tá ăm kuăn pơlê prôk troh a kong pơlê. Tŭm tơdroăng tơvâ tơvân thế châ kăn ƀô̆ cheăm pro xiâm tơbleăng, tơkŭm pro klêi.