Kơxê lơ 30/3, a Hà Nội, Đảng ủi Ƀơrô cheăng xiâm Đảng tơkŭm po leh diâp Mê dái Kuân kong ƀă Mê dái 45 hơnăm, 40 hơnăm ƀă 30 hơnăm ối tung Đảng. Teăng mâ kăn pơkuâ hnê ngăn Đảng, Tơnêi têa, pôa Tô Lâm, Kăn xiâm pơkuâ hnê ngăn cheăng Đảng diâp Mê dái Kuân kong ối má Môi ƀă diâp Mê dái 40 hơnăm ối tung Đảng ăm pôa Phạm Minh Chính, ngế cheăng tung tíu xiâm kal kí hneăng XIII, Ngế pro xiâm hnê ngăn Chin phuh.

Teăng mâ mâu kăn ki châ xo Mê dái Kuân kong ối má Môi ƀă mâu mê dái Đảng, pôa Phạm Minh Chính, Ngế pro xiâm hnê ngăn tơnêi têa tối sap ing rôh hâk tơngăm châ ối tung Đảng, đi đo djâ tơdroăng ki tơná tơhrâ dêi ngế đảng viên: Tơdrăng lĕm ƀă tuăn tơmiât kăch măng dêi Đảng, xua ki xiâm cho vâ tơniăn krê hbrâ rơnáu ƀă mơ-eăm pêi pro klêi mâu hnoăng cheăng châ Đảng, Tơnêi têa ƀă kuăn pơlê pơcháu. Hlối loi khât tiah kố, xua tơdroăng pơkuâ dêi Đảng mê hmâ cho Khu xiâm cheăng kal kí, Khu pơkuâ ngăn Đảng, ối a ko cho pôa Tô Lâm, Kăn xiâm pơkuâ hnê ngăn cheăng Đảng, tơnêi têa kô mơnhông tơƀrê rêm kơvâ, pêi pro pơhlêh ƀlêi chiâng mâu tơdroăng pơkâ pêi tung la ngiâ 100 hơnăm, ăm tơnêi têa mot krá rơdêi tung chal nếo – chal mơnhông kro, rơkê, ro, rơdêi prôk troh chuh nghiah xah hô̆i.