Pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa tối, Việt Nam ai hên ki ai hlâu, mâu liăn ngân, tơdroăng ki xiâm cho troăng hơlâ pơkuâ ngăn, xúa, mơhnhôk, xing xoăng, xúa ƀă mơnhông tá hâi teăm tiô tơdroăng pơkâ thế mơnhông tơnêi têa. Tung la ngiâ ah rơhêng vâ pêi châ mâu tơdroăng pơkê pêi tâk péa kơxô̆, tơdroăng ki kal khât cho athế pơhlêh nếo túa tơmiât ‘na mâu kơxô̆ liăn. Pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa pơka athế tơkŭm tung 6 khu tơdroăng cheăng, troăng hơlâ mê cho: “Mơjiâng kơxô̆ liăn troăng hơlâ pro tơniăn hlâu ‘na liăn ngân.

Ki xiâm cho tơnêi tơníu, ‘no liăn cheăng, pơkâ, mơjiâng pro, kế tơmeăm tơdjuôm, liăn ngân, tơrŭm cheăng ‘no liăn pêi cheăng, mơéa, xúa tuăn ngoâ rơkê kuăn mơngế pro, khoa hok – kong ngê̆ túa cheăng kâ nếo ƀă troăng hơlâ pêi mơnúa ngăn. Tung mơjiâng pro troăng hơlâ tŏng gum, athế chiâng tah lôi túa tơmiât “ôh tá kâi  pơkuâ mê athế mơdât”; môi tơdroăng, môi tơdroăng ki kal pơkâ a môi luât; pơhlêh khât chêh pro mơéa; pơhlêh rơdêi sap ing apoăng pơkuâ ngăn ngi klêi kơ’nâi hiăng séa ngăn klêi; rak tơniăn tro luât tơdrăng, môi tuăn, tơniăn, ai troăng ngăn.