Kăn xiâm pơkuâ hnê ngăn cheăng Đảng khĕn kơdeăn hên kăn ƀô̆ dêi Ƀơrô cheăng ki hăng veăng pêi tơdroăng cheăng ki kal tung Rôh Têt Lo hơnăm nếo pơla kố nah, tung mê ai rôh pêi dêi hnoăng cheăng dêi kăn xiâm pơkuâ Đảng, Tơnêi têa a Mih, veăng gum tơdroăng cheăng ki pêi pro ƀlêi chiâng dêi rôh lăm pôu, pêi cheăng pơtối tối nhên hnoăng cheăng, tíu ối ƀă ki rơkê plĕng tung tơdroăng cheăng tí tăng ‘nâi plĕng, veăng gum tung mâu tơdroăng cheăng tơpui kâ tung tơnêi têa, ƀă a kong têa ê dêi khu râ kăn xiâm.

Tung la ngiâ ah, pôa Tô Lâm, kăn xiâm pơkuâ hnê ngăn cheăng Đảng pơkâ thế Ƀơrô cheăng xiâm Đảng ƀă rêm ngế kăn ƀô̆, kong chưk rĕng pêi cheăng, pôi tá ăm hrá, tơdroăng cheăng tro pơtê; vâ pêi cheăng pơtối, tơdrăng tung cheăng tí tăng ‘nâi plĕng ăm Tơnêi têa; ivá mơ-eăm pêi klêi mâu tơdroăng pơcháu, tơdroăng pơkâ dêi Hneăng hôp Đảng lâp tơnêi têa rôh má 14, veăng gum pêi pro ƀlêi chiâng mâu pơkâ pêi tung la ngiâ dêi Đảng.