Teăng mâ mâu kăn pơkuâ Đảng, Tơnêi têa diâp Mê dái Hồ Chí Minh diâp Binh chủng Kŏng ƀinh, pôa Tô Lâm, Kăn xiâm pơkuâ hnê ngăn Đảng mơnhên, tơdroăng roh ton nah dêi Mô đô̆i Kŏng ƀinh cho tơdroăng roh ton nah dêi mâu kơteăng chêng po troăng ƀlêi trâng kân; cho tơdroăng roh ton nah dêi tơdroăng khŏm mơ-eăm, khên tơnôu krá tơniăn, kheăn hôu kơtăng ƀă hiâm mơno tơplâ ôh tá ton tơrôu. Tơdrêng amê rơkâu mâu tơdroăng ki ƀlêi trâng, tơdroăng châ tơƀrê má môi dêi Binh chủng Kŏng ƀinh.

Tung la ngiâ, vâ pêi kêi đeăng hnoăng cheăng ‘’vâi kơneăm ki lâi xuân plâ ƀlêi trâng’’, Kăn xiâm pơkuâ hnê ngăn Đảng pơkâ thế, Binh chủng Kŏng ƀinh tơkŭm pêi pro 5 hnoăng cheăng ki xiâm, tung mê, thế pơtối hlê plĕng pêi pro trâu hơngế troăng tơmiât pêi, troăng prôk cheăñg lêng, gâk kring tơnêi têa dêi Đảng; ‘nâi inhên troăng tơmiêt nếo ‘na gâk kring tơnêi têa; hlê plĕng trâu hơngế Pơkâ Tơnêi têa 8 hneăng má XIII, Tơdroăng pơkâ Hneăng hôp má XIV dêi Đảng, Tơdroăng pơkâ Hneăng hôp Đảng ƀô̆ Khu lêng roh má XII ƀă mâu troăng hơlâ ton xŏn dêi Quân ủi Tơnêi têa, Khu xiâm pơkuâ lêng.