Pôa Tô Lâm, Kăn xiâm pơkuâ hnê ngăn Đảng tối troăng hơlâ dêi Đảng, Tơnêi têa ƀă kuăn pơlê Việt Nam ngăn nhoăm ƀă mơ-eăm tâi tâng mâu tơdroăng ki lâi kâi pêi tiô ivá, rơtế ƀă Đảng, Tơnêi têa ƀă kuăn pơlê Cuba ôh tá la lâi pơtê po rơdâ ƀă pro trâu rơdâ tâ nếo tơrŭm cheăng môi tuăn pêi pro tro tiô tơdroăng tơrŭm cheăng ki kal ƀă tơrŭm tung tŭm tơdroăng cheăng pơla Việt Nam - Cuba, xua vâ pro pơxúa dêi kuăn pơlê péa tơnêi têa, xua  tơdroăng mơjiâng chuh ngiah xah hô̆i ƀă xua vâ hơniâp lĕm, tơniăn, tơrŭm ƀă mơnhông tơƀrê tung lâp plâi tơnêi.

Pôa Tô Lâm tối nếo tơdroăng ki tơviâh ƀă tơdroăng ăm hlo ki kal pêi châ tơbrê tung hneăm lăm pôu dêi râ kăn xiâm Tơnêi têa troh kong têa Cuba dêi Kăn xiâm pơkuâ kong têa, tối rơdêi ki môi tuăn tơrá mâu kăn dêi Kăn xiâm péa Đảng, péa Tơnêi têa tung  hneăng lăm pôu râ Kăn xiâm troh Kŏng hòa Cuba dêi Kăn xiâm pơkuâ hnê ngăn Đảng, tối nhên ki môi tuăn dêi Kăn xiâm péa Đảng, péa tơnêi têa tung mâu troăng hơlâ ƀă tơrŭm cheăng ki pêi ahdrối, pêi chiâk deăng, on tơhrik, tê mơdró, kơmăi kơmok sinh hok, hlối mơdêk tơrŭm krá tung mâu kơvâ kring tơniăn, cheăng lêng, tơpui kâ ƀă mâu tơdroăng trâm mâ tơrŭm pơla mâu kơvâ cheăng, rêm râ ƀă kuăn pơlê péa tơnêi têa.