Tối mơgêi rôh pêi cheăng, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nhên kal môi tuăn hlê tung tâi tâng tơdroăng kal kí tiah kố kơmăi kơmok lượng tử cho tơdroăng ki kân dêi tơnêi têa, thế châ pơkâ tơbleăng tiô hlá mơ-éa chêh 57 dêi Khu xiâm Kal kí ƀă troăng vâ mơnhông tơnêi têa pơla hơnăm nếo, rơtế tơniăn tơnêi têa, rak ‘măn tơdroăng chêh dêi tơnêi têa tung kơmăi, kŏng ngiệp bán dẫn ƀă tuăn ngôa rơkê kuăn mơngế hriăn pro.

Kăn xiâm pơkuâ hnê ngăn Đảng, Kăn xiâm hnê ngăn tơnêi têa  pơkâ thế séa ngăn tâi tâng mâu tơdroăng chêh tối ‘na ki kal dêi Đảng, Tơnêi têa, ‘na lêng, kring tơniăn, hngêi rak liăn, hyôh phôn ƀă hên ki ê… vâ mơjiâng troăng pơ’lêh tơtro, hbrâ sap apoăng, ing hơngế; hlối tơkŭm ‘no liăn pêi tơdroăng kal, pôi tá mơdon, la ngiâ kô pro mâu tíu xiâm tăng ‘nâi plĕng rơdêi ƀă veăng thí nghiệm ki kal.