Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối Việt Nam púi vâ klêi hneăng lăm pôu, pơtối pêi cheăng krá tâ nếo loi nhoăm dêi rơpó tơdroăng kal kí, tơrŭm krá tâ nếo pơla péa pâ hlối tơrŭm tơdjêp ƀă dêi rơpó tung tŭm tơdroăng cheăng, ki trâu rơdâ tâ, rơtế pêi mâu tơdroăng vâ mơnhông tơnêi têa. Kăn xiâm hnê ngăn Đảng, Kăn xiâm hnê ngăn tơnêi têa pơkâ thế péa pâ pơtối rak đi đo trâm mâ tơrá mâu kăn, ‘mâi mơnhông tuăn loi kal kí, mơdêk ki tơbrê tơrŭm tung ƀâng Đảng, Tơnêi têa, Chin phuh, Kuô̆k hô̆i – Kuăn mơngế rơkê – Cheăng rêm kơvâ – Tơrŭm,  ‘mâi mơnhông xiâm ki tơrŭm ‘na lêng - kring tơniăn.

Pôa Vương Hộ Ninh, Kăn xiâm hnê ngăn tơdroăng kal kí dêi Sinuâ đi đo ngăn tơrŭm cheăng ƀă Việt Nam cho troăng hơlâ pêi pro ahdrối tung tơdroăng tơpui kâ ƀă kong têa ki achê; khĕn kơdeăn mâu hnoăng hiăng châ pơ‘lêh nếo tơpui kâ dêi Việt Nam, đi đo môi tuăn Việt Nam mơjiâng pro klêi chuh ngiah xah hô̆i tơrêm tơnêi têa.