Tung roh lăm pôu, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa kô ai roh tơpui tơno râ kăn xiâm ki kal ƀă pôa Tập Cận Bình, Kăn xiâm pơkuâ hnê ngăn Đảng, Kăn xiâm hnê ngăn kong têa Sinuâ ƀă mâu roh trâm mâ tơpui tơno ƀă mâu kăn pơkuâ râ xiâm ki ê dêi kong têa Sinuâ, vâ rơtế prôk trâu hơngế tơpui tơno ‘na mâu troăng prôk la ngiâ, troăng pêi ki kân vâ djâ tơrŭm cheăng pơla péa pâ mot tung hneăng mơnhông mơdêk nếo, tơniăn ƀă krá tơniăn tâ, mơdêk râ kân tâ.

Tung pơla tơdroăng kơpong ƀă lâp plâi tơnêi ai hên tơdroăng ki pơhlêh, roh lăm pôu râ tơnêi têa kố cho roh vâ péa pâ tơpui tơno trâu ƀă păng ‘nâng tiô hiâm mơno tơdrăng, tâi ihiâm, hlêi bâ ‘na mâu tơdroăng kơpong ƀă lâp plâi tơnêi rơhêng vâ ‘nâi plĕng, ƀă thăm tơrŭm a mâu troăng pêi hên troăng, tơpui ƀă pêi pro tơxâng mâu tơdroăng ki u ối, veăng gum tung hơniâp lĕm, tơniăn, tơrŭm ƀă mơnhông a kơpong ƀă lâp plâi tơnêi.