Tiô mâu tơbleăng, nôkố u ối 198 kơvâ tê mơdró ai pơkâ ƀă 4.603 tơdroăng pơkâ tê mơdró. Mơgêi kơxô̆ 18 Roh hôp roh má 2 Khu pơkuâ Xiâm Đảng hneăng má XIV hiăng pơkâ mâu khu xiâm, kơ koan thế pơtối séa ngăn, kơdroh pơtối 30% kơvâ tê mơdró ai pơkâ, tơdrêng amê,  kơdroh 100% tơdroăng pơkâ tê mơdró ki ôh tá kal. Rơtế amê, pôe kơdroh 50% hâi khế pêi pro, 50% kơxô̆ liăn pêi tiô pro mơ-éa cheăng kâ rêh ối ƀă tơnêi têa; râ Khu xiâm bu pêi pro ôh tá hluâ 30% tâi tâng mơ-éa cheăng kâ rêh ối ƀă tơnêi têa ối tung kơvâ pơkuâ.

Mơgêi roh hôp, Ngế pro xiâm hnê ngăn tơnêi têa pơkâ, troh hâi lơ 20/4, mâu khu xiâm pơkâ thế troăng pôe kơdroh, pro mơ-éa cheăng kâ rêh ối ƀă tơnêi têa, tơdroăng tê mơdró, kơvâ tê mơdró ai pơkâ; Ƀơrô Chin phuh, Khu xiâm mơjiâng luât tơkŭm tâi tâng, séa ngăn tơbleăng Chin phuh tơbleăng ăm pêi pro troăng tung khế 4.