Klêi Leh tơdah, pôa Lê Minh Hưng, Ngế pro xiâm hnê ngăn tơnêi têa ƀă pôa Robert Fico, Ngế pro xiâm hnê ngăn kong têa Slovakia pơkuâ djâ khu kăn xiâm péa tơnêi têa hôp tơpui tơno. Pôa Lê Minh Hưng tối, Việt Nam kô pơtối ngăn nhoăm ƀă púi vâ mơnhông tơrŭm cheăng ƀă Slovakia - môi tung mâu kong têa tơrŭm cheăng má môi dêi Việt Nam a Trung Đông Âu rế trâu rơdâ tâ, khât tâ hlối tơƀrê.

Ing tuăn vâ mê, péa pâ hiăng tơpui tơno hên tơdroăng ‘na tơdroăng tung lâp plâi tơnêi, tơdroăng tung kơpong ƀă mâu tơdroăng vâ pơ’lêh khât tâ nếo tung tơrŭm péa pâ; mê cho pro trâu rơdâ tâ nếo tung tơrŭm cheăng; Tơrŭm krá nhên vâ tơleăng mâu tơdroăng pơloăng mơnúa tung kơpong ƀă lâp plâi tơnêi ƀă hvái ngăn troh tơdroăng pơkâ pêi pro mơnhông krá tơniăn xua vâ pro pơxúa dêi tơrêm kong têa, xua vâ pro hơniâp lĕm, tơniăn, tơrŭm ƀă mơnhông a kơpong ƀă tung lâp plâi tơnêi.